ڈپٹی چیف آف مشن میری کے لاس کارلسن

میری کے لاس کارلسن، منسٹر کونسلر کے عہدے کے ساتھ سینئر فارن سروس کی رکن، امریکی سفارت خانہ نئی دہلی میں ڈپٹی چیف آف مشن ہیں۔ اگست 2016 میں بھارت میں امریکی مشن میں ڈی سی ایم کا عہدہ سنبھالنے سے پہلے وہ واشنگٹن، ڈی سی میں محکمہ خارجہ کے ایگزیکٹو سیکرٹریٹ میں پرنسپل ڈپٹی ایگزیکٹو سیکرٹری تھیں سیکرٹریٹ میں پرنسپل ڈپٹی ایگزیکٹو سیکرٹری تھیں جہاں انہوں نے محکمہ کے اہم افسران اور ان کے عملہ کی مدد کرنے والی ٹیموں کی قیادت کی۔ 2013 سے 2014 تک انہوں نے ایگزیکٹو سیکرٹریٹ اسٹاف کی آفس ڈائریکٹر کے طور پر خدمات انجام دیں۔

محترمہ کارلسن نے پہلے بیورو برائے مشرقی ایشیاء اور اوقیانوس امور کے کوریائی امور کے دفتر میں ڈپٹی ڈائریکٹر کے طور پر خدمات انجام دیں۔ 1985 میں فارن سروس میں شمولیت کے بعد سے، محترمہ کارلسن نے بیرون ملکوں میں سینٹو ڈومنگو؛ نیروبی؛ ماپوتو؛ تائی پے (مینڈارن زبان کی تربیت)؛ بیجنگ (دو دورے)؛ کیف؛ اور ہانگ کانگ میں خدمات انجام دی ہیں۔ ان کی دیگر اندرون ملک ذمہ داریS/ES-S  میں لائن آفیسر کے طور پر تھی۔

MaryKay L Carlson, Deputy Chief of Mission

لٹل راک، آرکنساس کی رہنے والی محترمہ کارلسن نے میمفس، ٹینیسی میں واقع روڈس کالج سے ہسپانوی اور بین الاقوامی مطالعات میں بی اے کی ڈگری حاصل کی۔ انہوں نے 1985 میں جارج ٹاؤن یونیورسٹی سے بین الاقوامی تعلقات میں، اور 2007 میں نیشنل وار کالج سے قومی سلامتی معاملات میں ماسٹرز ڈگری حاصل کی ہے۔ محترمہ کارلسن نے فارن سروس کے ساتھی افسر اوبری کارلسن سے شادی کی ہے۔ انکی دو بیٹیاں ہیں ۔۔ کیتھرین اور کیرن۔